ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

មុនបិទ VOD អ្នកនាំពាក្យរាជរដ្ឋាភិបាលប្រើពេល ៣ម៉ោងដើម្បីពន្យល់ឲ្យស្ថាប័ននេះដឹងពីកំហុសនិងធ្វើការកែកំហុសដែលចេញផ្សាយ

  • ចុះផ្សាយថ្ងៃទី១៤ ខែកុម្ភៈ ឆ្នាំ២០២៣ ម៉ោង ១៤:៤៤ នាទី ដោយ Hun Sirivadh
  • 2201
  Aa |   aA

ភ្នំពេញ៖ អ្នកនាំពាក្យរាជរដ្ឋាភិបាលលោក ផៃ ស៉ីផាន បានបញ្ជាក់ថា មុននាយករដ្ឋមន្ត្រីមានវិធានការលើ VOD លោកបានចំណាយពេលប្រហែលជា ៣ម៉ោង ដើម្បីបកស្រាយពន្យល់ពីកំហុសឆ្គងដែលស្ថាប័ននេះបានដកស្រង់ យកទៅចុះផ្សាយធ្វើឲ្យប៉ះពាល់ទៅដល់រាជរដ្ឋាភិបាល លោកក៏បានស្នើឲ្យស្ថាប័ននេះកែប្រែនូវការចុះផ្សាយផងដែរក៏ប៉ុន្តែស្ថាប័ននេះមិនព្រម។

ថ្លែងនៅក្នុងសន្និសីទសារព័ត៌មានស្ដីអំពីវឌ្ឍនភាពរបស់ខេត្តកំពង់ធំ នៅព្រឹកថ្ងៃទី១៤ ខែកុម្ភៈ ឆ្នាំ២០២៣ នេះនៅទីស្ដីការគណៈរដ្ឋមន្ត្រី លោក ផៃ ស៊ីផាន បានថ្លែងថា ការចុះផ្សាយរបស់សារព័ត៌មាន VOD ទៅលើការដែលថាលោកបាននិយាយថា លោក ហ៊ុន ម៉ាណែត បានចុះហត្ថលេខាផ្ដល់ជំនួយទៅកាន់ប្រទេសតួកគីជំនួសនាយករដ្ឋមន្ត្រីគឺជាការស្រង់ពាក្យសម្ដីខុសទាំងស្រុង ហើយលោកថាលោកមិនបាននិយាយបែបនេះនោះទេ។

លោកថា៖ «យើងខ្ញុំផ្ទាល់បានចំណាយពេល ៣ម៉ោងប្រកបដោយភាពទន់ភ្លន់ហើយនិងកិច្ចសហការថាសុំឲ្យធ្វើការកែសម្រួលកែតម្រូវ ឬក៏សុំទោសតែគេអត់ធ្វើ»។

លោក ផៃ ស៉ីផាន បញ្ចាក់ប្រាប់អ្នកយកព័ត៌មាន EAC បន្ថែមថា ការបញ្ជាក់និងស្នើឲ្យមានការកែតម្រូវនេះគឺនៅថ្ងៃសៅរ៍ មុនមានការសម្រេចរបស់សម្ដេចតេជោ។

គួរឱ្យដឹងផងដែរថាសារព័ត៌មានអនឡាញ VOD ត្រូវបានក្រសួងព័ត៌មានបានចេញសេចក្តីលុបអាជ្ញាប័ណ្ណជាផ្លូវការនៅព្រឹកថ្ងៃទី១៣ ខែកុម្ភៈ ឆ្នាំ២០២៣ បន្ទាប់ពីសារព័ត៌មានអនឡាញធំមួយនេះបរាជ័យក្នុងការសរសេរលិខិតសុំទោសរាជរដ្ឋាភិបាលកម្ពុជា និងលោកឧត្តមសេនីយ៍ឯក ហ៊ុន ម៉ាណែត។

សម្ដេចតេជោ ហ៊ុន សែន បានសរសេរនៅលើហ្វេសបុកផេករបស់សម្ដេចនៅព្រឹកថ្ងៃទី១៣ ខែកុម្ភៈ នេះថា វាយឺតពេលហើយដែលសុំទោសខណៈដែលសម្ដេចបានសម្រេចចិត្តរួចទៅហើយកាលពីយប់ថ្ងៃទី១២ ខែកុម្ភៈ។

សម្ដេចតេជោបន្ថែមថា៖ «តើឈឺណាស់ទៅ ឬក្រោយត្រូវមួយកំភ្លៀង? មុនត្រូវមួយកំភ្លៀងគិតណាស់រឿងកិត្តិយសសូម្បីពាក្យសូមទោសមួយម៉ាត់មិនហ៊ាននិយាយផងតែក្រោយត្រូវមួយកំភ្លៀងបែរជាភ្លេចអស់កិត្តិយសមកសុំទោសជាងពាក់កណ្តាលអាធ្រាតទៅវិញ។ ខ្ញុំ ហ៊ុន សែន នាយករដ្ឋមន្ត្រីនៃកម្ពុជាមិនផ្លាស់ប្តូរការសម្រេចចិត្តបិទចោលវិទ្យុវីអូឌីនោះឡើយ»។

ការលុបគឺបន្ទាប់ពីសារព័ត៌មានអនឡាញនេះចុះផ្សាយថា លោក ហ៊ុន ម៉ាណែត បានចុះហត្ថលេខាផ្ដល់ជំនួយទៅកាន់ប្រទេសតួកគីជំនួសនាយករដ្ឋមន្ត្រី ដែលត្រូវបានលោក ហ៊ុន ម៉ាណែត ចេញមុខមកបដិសេធ និងសុំឲ្យស្ថាប័ននេះកែតម្រូវឡើងវិញ៕


ព័ត៌មានជាច្រើនទៀតសម្រាប់អ្នក